Vigo pesqueiro

13 Agosto 2016

2016-08-13 Vigo Pesqueiro

É con agrado que damos conta do acordo acadado coa Fundación para a Pesca e o Marisqueo (FUNDAMAR) para prestar a nosa colaboración no proxecto “Vigo pesqueiro” na procura dunha oferta turística de calidade, complementaria e desestacionalizada. FUNDAMAR (http://www.fundamar.org) foi creada no 2010 pola Cooperativa de Armadores de Pesca do Porto de Vigo (ARVI), a Unión Xeral de Traballadores (UGT-Galicia) e as Comisións Obreiras (CC.OO.-Galicia) e conta coa colaboración do Concello de Vigo, a Deputación de Pontevedra e a Xunta de Galicia.

Genius loci: o xenio local

2 Xullo 2016
2016-07-02_Genius loci

Fotografías de Tomasz Sienicki (2004), Destilerías Compostela (1999) e Xurxo Lobato (1988)

Un proxecto subvencionado pola Unión Europea, con socios en Italia, España, Hungría, Malta e Bélxica, pretende dirixir a atención á herdanza de pequenas empresas industriais, para (re)valorizar o significado do seu patrimonio e incrementar o seu coñecemento e aprecio polos turistas e polo público en xeral.
Nunha primeira fase do proxecto identificáronse como prioridades:
• a industria tradicional de bebidas fermentadas (cervexa, viño, sidra) e de obtención dos seus destilados;
• a industria cerámica (ladrillos, baldosas, tellas, refractarios, olería, drenaxes);
• a artesanía téxtil (teares) e a produción de fibras téxtiles europeas tradicionais (liño, cáñamo).
Os lugares e museos que se inclúan no proxecto recibirán gratuitamente a etiqueta INDUSTRIANA. Póñase en contacto connosco para maior información (asociacionbuxa@asociacionbuxa.com)

Imaxes da ruta industrial ría de Vigo

10 Xuño 2016
2016-06-10_Conservas Virci (Ignacio Oliveira, 2016)

Conservas Virci (Ignacio Oliveira, 2016)

A xentileza e amabilidade de don Ignacio Oliveira permítenos compartir fermosas imaxes da pasada xornada marítima pola ría de Vigo. Podedes gozar de máis fotografías no seu perfil de FaceBook

2016-06-10_Conservas Boyé1 (Ignacio Oliveira, 2016)

Conservas Boyé (Ignacio Oliveira, 2016)

Segunda edición da ruta industrial ría de Vigo

29 Maio 2016
2016-06.02_IMG_0394 Cargadero MineroSiderúrgicaPonferrada (Alberto Martínez, 2016)

Cargadoiro da “Minero Siderúrgica de Ponferrada”, a MSP (Alberto Martínez, 2016)

A gran demanda da ruta industrial ría de Vigo, dalle pulo a unha segunda edición, que vai ter lugar o vindeiro xoves, día dous de xuño dos correntes

2016-06-02_IMG_0403 Fábrica da Regasenda ou de Mañas (Alberto Martínez, 2016)

Salga da Regasenda ou “a de Mañas” (Alberto Martínez, 2016)

Ruta industrial ría de Vigo

22 Maio 2016

2016-05-20_Cartel

Ruta industrial ría de Vigo

Premio de Investigación Buxa 2015-2016

30 Abril 2016

2016-04-30

Consonte ás bases publicadas o 11 de febreiro do ano 2015, na reunión celebrada o día 29 de abril do ano 2016 decidiuse a concesión do premio ao traballo que foi presentado baixo o lema “Traballo e vida” do que, unha vez aberta a correspondente plica, resultou ser autora dona Tamara Campo Táboas. O xurado foi presidido por don Xoán Carmona Badía, Catedrático de Historia e Institucións Económicas na Universidade de Santiago de Compostela, sendo vogais don Luis Alonso Álvarez, Catedrático de Historia e Institucións Económicas na Universidade da Coruña, don Gerardo Cueto Alonso, profesor do Departamento de Xeografía, Urbanismo e Ordenación do Territorio na Universidade de Cantabria, don Miguel Ángel Álvarez Areces, presidente do Comité Internacional para a Conservación e Defensa del Patrimonio Industrial en España (TICCIH-España), e dona Iria Sobrino Fagilde, arquitecta colaboradora no inventario de arquitectura industrial de Vigo e a súa zona de influencia e coordinadora en proxectos de patrimonio industrial. Como secretario actuou don Manuel Lara Coira, presidente de “Buxa, Asociación Galega do Patrimonio Industrial”. O xurado desexa deixar constancia expresa da alta valoración da que foi merecedor o traballo presentado baixo o lema “Catedral”, do que, unha vez aberta a correspondente plica, resultou ser autora dona Alberta Lorenzo Aspres, responsable do “Proxecto Arga, Arquitecturas Rehabilitadas de Galicia“.

Fábrica de Joaquín Vieta Ros

3 Abril 2016
2016-04-03_Fábrica Daniel Rodríguez Blanco en Muros (Pepe Sacau, 2016)_DSC_6740

Fotografía de José Luis Sacau Fontenla no outono do ano 2015

Consonte os datos recollidos por Santiago Llovo Taboada no seu espléndido traballo, fora construida en 1909 no Paseo do Cabo ou Paseo de Bombé, na vila de Muros, aproveitando o almacén de salga que alí erguera contra 1870 Bentura Moreu Teixidor. A actividade fabril cesou coa morte de Joaquín Vieta en 1930. Sería empregada entre o verán de 1937 e o de 1938 como cárcere para máis de trescentos prisioneiros galegos, asturianos, cántabros, vascos e madrileños calificados de “republicáns”. Alugada nos comezos do decenio de 1940 a José Folgueira Rubido, veciño de Ortigueira, e, na segunda metade da mesma década, a Ricardo Rego Castro, tamén de Ortigueira. Xa en 1974, a vella conserveira foi mercada, modernizada e posta de novo en funcionamento por Daniel Rodríguez Blanco, nado en Carnota e veciño de Muros. Case trinta anos despois, e malia os esforzos do seu fillo, Daniel Rodríguez Otero, a fábrica de “Conservas Leocadia” cesaría na súa actividade co comenzo da década do ano 2000. Contra o ano 2012, a concesión foi rescatada polo Estado, que decidiu a súa demolición para completar a ampliación da estrada Muros-Corcubión nese tramo. Porén, só a ampliación efectuada por Daniel Rodríguez foi demolida, construíndose no lugar unha pequena área de descanso e miradoiro. A vella conserveira de Vieta e a súa casa vivenda salváronse ao ter sido protexidas como patrimoniais.

Congreso

1 Marzo 2016

2016-02-16

Para máis información Universidade Lusíada

Colaboración

14 Febreiro 2016
2016-02-13_Hispano-Suiza H-6, 1919

Hispano-Suiza H-6, presentado no 1919 en París (Museo de Automoción e Historia, Fundación Jorge Jove)

Unha xuntanza prometedora baixo o criterio de traballar compartindo o que nos une

2016-02-13_Cabina Mikado (Martina Campo, 2008)

Cabina da locomotora Mikado, no Museo do Ferrocarril de Galicia (Martina Campo, 2008)

A fábrica de acoirazados

4 Xaneiro 2016

2016-01-04_SECN

Atópase xa á venda o espléndido traballo de José María de Juan-García Aguado “La fábrica de acorazados: la Sociedad Española de Construcción Naval en Ferrol (1909-1936)”, no que esta asociación participou para facer posible a súa publicación.