001 Muíño de A Seca
- Provincia: Pontevedra
- Concello: Cambados
- Parroquia: Corvillón (San Amedio)
- Lugar: A Seca
- Paraxe: Enseada de Cambados
- Dirección: CP: 36630
- Coord. Xeográficas - Latitude: 42.525428040316065
- Coord.Xeográficas - Lonxitude: -8.81703794002533
- Coordeadas UTM: H 29 // X 515151.79 // Y 4708344.78
- Clasificación: Muíño de mar
- CNAE: 10.61 Fabricación de produtos de muiñaría
- Comarca: O Salnés
- Marco Xeográfico: Ría de Arousa
- Ámbito: Urbano
Tipo de propiedade:
Municipal
Visitable:
Si
Xestión de visitas:
Pódese visitar pagando unha entrada conxunta que inclúe tamén a visita á Casa-Museo Ramón Cabanillas, Pazo Torrado e Museo del Pescador. Hai reducións a menores de idade e maiores de 65 anos e grupos de máis de 20 persoas. Martes-domingo (incluídos festivos) de 10:00 a 14:00 e de 16:30 a 19:30 h. Luns pechado.
Historia:
Mandado construír no ano 1622 por Gonzalo de Valladares y Sarmiento, señor do pazo de Ferfiñáns, a un “maestre de cantería vecino de la ciudad de la Coruña” e artilleiro chamado Francisco Grie. Este dirixiu as obras dende A Coruña, desprazándose a Ferfiñáns sempre que fose necesario para realizar o seu traballo.
O muíño pertenceu ata o século XIX aos señores de Fefiñáns e a el viñan moer os cereais labradores dunha gran parte do Salnés. O derradeiro muiñeiro foi Manuel Piñeiro Señoráns, sendo o seu propietario Luís Prego Trigo, que deixou de moer a mediados dos anos 70.
Na actualidade o muíño foi restaurado e convertido en enclave museístico, formando parte da Rede de Museos do Concello de Cambados.
O muíño pertenceu ata o século XIX aos señores de Fefiñáns e a el viñan moer os cereais labradores dunha gran parte do Salnés. O derradeiro muiñeiro foi Manuel Piñeiro Señoráns, sendo o seu propietario Luís Prego Trigo, que deixou de moer a mediados dos anos 70.
Na actualidade o muíño foi restaurado e convertido en enclave museístico, formando parte da Rede de Museos do Concello de Cambados.
Descrición Xeral do Entorno:
Situado na pontevedresa Ría de Arousa, entre as puntas de Tragove e Fefiñáns, concretamente na Enseada de Cambados. Está na marxe esquerda da ría onde tamén están emprazados tres muíños máis. Recibe o seu nome polo lugar onde se atopa, unha grande extensión de terreo que queda en seca na baixamar, volvendo encherse coa preamar.
Construcción:
Primeira metade do século XVII (1622), por Francisco Grie.
Abandono:
Segunda metade do século XX (1970-1975).
Descrición:
O muíño contaba cunha presa con cinco comportas, o propio muíño, a vivenda, as cuadras e o alpendre. O edificio ten tres plantas e un faiado, feito con cachotes de pedra de gran concertados cun coidado encintado. Na planta baixa atópase a maquinaria para a moenda, está dividida en dúas partes e en cada unha delas instálanse dous sistemas de rotación. A primeira planta está dividida en dous espazos case simétricos e alberga os elementos de trituración: tres moas do país de gran groso, para moer millo, traídas da canteira de Baión e unha "albeira" de gran fino, para o trigo e o centeo, adquirida en Portugal. A segunda planta e o faiado estaban destinadas á vivenda, a primeira mantén a división en dous espazos.
Hoxe en día fixéronse modificacións pero mantendo as estruturas.
Tempo de uso:
Todo o ano, aínda que no mes de xullo o refluxo das augas chegaba a deixar case en seco o encoro durante catro ou oito días. A mellor época dábase entre setembro e Ramos, cando se enchía ata o muro de represa e as augas baixaban con máis forza, incrementándose así a produtividade.
Actividades laborais:
Elaboración de fariñas de trigo, millo e centeo.
Materias Primas:
Trigo, millo e centeo.
Produtos Elaborados:
Fariñas de trigo, millo e centeo. A moenda chegaba a 200 quilos por moa en dúas quendas, de día e de noite, aproveitándose as baixamar que duraban tres horas.
Referencias Bibliográficas:
Bas López, B. Muíños de marés e de vento en Galicia. A Coruña: Fundación Pedro Barrié de la Maza, 1991. 439 p.: il. ISBN 84-87819-13-3.
Llano Cabado, P. de, 1980, “O muiño de mar de A Seca”, Obradoiro. Revista de Arquitectura, Colexio Oficial de Arquitectos de Galicia, Santiago de Compostela. DL VG-50-1980. ISSN 021-6065.
Llano Cabado, P. de, 1980, “O muiño de mar de A Seca”, Obradoiro. Revista de Arquitectura, Colexio Oficial de Arquitectos de Galicia, Santiago de Compostela. DL VG-50-1980. ISSN 021-6065.
Data de Actualización:
2009