118 La Minerva ou La Concepción
- Provincia: Pontevedra
- Concello: Caldas de Reis
- Parroquia: San Andrés de Cesar
- Lugar: A Baxe
- Paraxe: A Torre do Río
- Dirección: A Baxe, Caldas de Reis (Pontevedra)
- Coord. Xeográficas - Latitude: 42.60945748150691
- Coord.Xeográficas - Lonxitude: -8.62176239490509
- Coordeadas UTM: Huso 29 / X 531,10 / Y 4.717,80
- Clasificación: Fabricación de papel
- CNAE: 17.12 Fabricación de papel y cartón
- Tipoloxía: Papel continuo
- Comarca: Caldas
- Marco Xeográfico: Curso medio do río Umia
- Ámbito: Rural
- Acceso: En Caldas de Reis cóllese a estrada nacional N-640 cara a Cuntis e a algo menos de dous quilómetros apartamos á man dereita pola estrada provincial PO-221 que leva a Campo Lameiro. A uns douscentos metros crúzase unha ponte por riba do río Umia, e nada máis cruzala xa temos na marxe esquerda da rúa a entrada ás instalacións de "A Torre do Río".
Tipo de propiedade:
Visitable:
Xestión de visitas:
Historia:
Alá polo ano 105, Tsai Tsai-Lun lograba crear en Lei-Lan
(Honan, no corazón de China) o primeiro papel fabricado a partir de fibras
vexetais extraídas de trapos, redes de pescar, cáñamo e bambú. O seu
coñecemento foi estendéndose pola ruta da seda, ata que no ano 751 os musulmáns
capturaban preto de Samarcanda (Uzbekistán) a algúns artesáns chineses
coñecedores do oficio, que o ensinarían ós seus captores a cambio dun trato
privilexiado. Desta forma, o papel –ata entón monopolio dos chineses– pasou a
Occidente da man dos árabes, que instalaron muíños papeleiros en toda a Asia
Menor e norte de África.
Despois da gran fábrica de papel que se construía en
Bagdad (Iraq) no ano 793, a fabricación chegaba á Meca, a Damasco e, vía O
Cairo, a Fez (Marrocos), onde no ano 1200 contaban con catrocentas moas de
refinamento en funcionamento. A través de Córdoba e Toledo (España) o papel
introduciríase en Europa. A primeira referencia indiscutible dun muíño
papeleiro na Península Ibérica é do ano 1056 nas aforas de Xàtiva (Valencia),
onde Abu-Masafya contaba con vinte operarios que empregaban liño de Valencia
como materia prima, fabricando un papel de gran calidade.
En 1189 introducíase a fabricación de papel en Francia, e
en 1230 en Italia (Xénova, Bologna e Fabriano). O ano 1390 funcionaba en
Nuremberg o primeiro muíño papeleiro alemán. Cara a 1494 introducíase en
Inglaterra, e a finais do século XVI chegaba a Rusia, Estados Unidos e Suecia.
Foi lenta a súa introdución en Europa, tanto polo seu prezo (durante moito
tempo equiparable ó do pergameo) como polos prexuízos de quen consideraban o
seu uso indebido por estar fabricado por xudeus e árabes.
O proceso tradicional de fabricación do papel pode describirse diferenciado nas súas cinco etapas fundamentais:
- preparación da materia prima (fundamentalmente trapos): aventado,
clasificación, esgazado, abatanado e fermentación en auga con cal;
- preparación da pasta nas pilas desfacendo as fibras cos mazos do muíño:
trinchado, afinado e refinado;
- formación das follas de papel na tina, filtrando coidadosamente co molde
ou forma a pasta xa refinada;
- prensado das follas para eliminar a auga residual;
- secado das follas.
Os talleres contaban tamén con zonas complementarias, como a de encolado (aplicación a unha ou ás dúas caras da folla dunha fina capa dunha pasta especial –carga– para igualar a superficie, encher os poros e dar un certo grao de impermeabilidade ó papel, facéndoo resistente á auga e ós líquidos) e a de satinado (modificación do acabado do papel xa seco pasándoo mediante golpes de maza, brunido con pedra ou madeira puída, ou prensado con calor) para a preparación final de papel de diferentes calidades: fino ou groso, forte ou brando, absorbente ou repelente, secante, de escritura ou de impresión.
Agás a introdución da pila holandesa ou cilindro
refinador (desfibradora inventada en Holanda cara a 1670) como único
perfeccionamento significativo, este lento e laborioso proceso tradicional de
fabricación manual do papel duraría ata finais do século XVIII. Corría o ano de
1803 cando se puña en marcha en Frogmore (Inglaterra) a primeira máquina de
táboa plana para a fabricación de papel continuo. Tratábase dunha evolución do
prototipo construído en 1798 polo francés Louis-Nicolas Robert, perfeccionado
fundamentalmente polo mecánico inglés Bryan Donkin financiado nos seus
traballos polos irmáns Fourdrinier.
O papel non saía seco da máquina, polo que había que
cortalo e secalo ó aire, á maneira tradicional. As innovacións continuaron e en
1819 instalábanse en Weida (Turingia) os primeiros cilindros secadores por
vapor, e en 1826 Canson introducía en Vidalon (Francia) os cilindros ou prensas
aspirantes, mentres que Bergue en 1840 completaba cos areeiros as innovacións
no proceso, co que a máquina continua podía considerarse plenamente desenvolta.
O acceso a tecnoloxía estranxeira implicaba a chegada de
man de obra cualificada, pois as deficiencias do ensino técnico español
obrigaban á presenza de especialistas foráneos para a formación de expertos
españois.
A variedade de pedidos de produtos diferenciados –e
sempre a escala reducida– determinaban a lentitude da mecanización e a súa
baixa especialización, polo que en España se buscaba a versatilidade da pequena
fábrica, para poder pasar dun produto a outro con axilidade.
Outra dificultade radicaba na dotación de recursos, tanto
materias primas como enerxía. Os contemporáneos queixábanse dos altos prezos
dos trapos (35 ó 50% do custo do papel) e produtos químicos, e das dificultades
de circulación dun produto de baixo valor e elevado volume (os trapos) pola
ineficiente rede de comunicacións españolas. Os trapos importábanse de Italia e
o cloruro de cal de Francia, necesitándose ademais cloro, acedos, sosa
cáustica, resinas e colorantes, de orixes diversas aínda que tamén
maioritariamente importados.
Como referencia da situación, preséntase a continuación unha comparación do ano 1866 entre os custos de fabricación de 700 toneladas de papel continuo en España e no estranxeiro, valorados en reais de vélaro.
|
España |
Estranxeiro |
Trapo e alpargatas |
1.363.600 |
974.000 |
Produtos químicos |
397.124 |
216.962 |
Carbón |
269.500 |
30.800 |
Man de obra |
154.000 |
134.000 |
Outros |
621.927 |
356.290 |
Total |
2.806.151 |
1.712.052 |
Ante esta insostible situación buscáronse sucedáneos dos
trapos, como o esparto, iniciativa que fracasou polos altos custos de
transformación en España (necesitábase para iso carbón, cloruro de cal e sosa),
mentres que os atochales españois alimentaban as fábricas británicas, con
custos de transformación sensiblemente menores pola significativa economía do
carbón e dos produtos químicos.
A elaboración de pasta de madeira, iniciada en España cara a 1880, supuxo o principio da fin das vellas papeleiras que empregaban trapos como materia prima, que non puideron resistir o pulo da nova competencia.
Descrición Xeral do Entorno:
Construcción:
Abandono:
Descrición:
Dise que no lugar da Baxe, parroquia de San Andrés de
Cesar del Ayuntamiento de Caldas de Reis (Pontevedra) había unha torre ruinosa
–A torre do río– con cuxos restos a familia Rivero de Aguilar mandara construír
o muíño papeleiro que se convertería poucos anos despois na fábrica de papel
continuo “La Concepción”, instalacións que foron as primeiras deste tipo en
Galicia e que se puxeron en funcionamento en 1862, aproveitando as augas do río
Umia para mover dúas turbinas que arrastraban seis cilindros trituradores e
elaboraban papel continuo nunha máquina tipo Fourdrinier.
Con anterioridade parece que xa se comercializaba papel elaborado
seguindo o método descontinuo tradicional, pois a fábrica cítase por Madoz en
1847 e aparece no mapa de Coello de 1857. Xa no Indicador de 1867 aparece como
tal fábrica de papel continuo, propiedade de don Nicolás Rivero de Aguilar e
situada “a unha hora do porto de Carril”.
Don Carlos Javier Iglesias Castelao fíxonos chegar no
verán do 2011 a seguinte noticia, transcrita do artigo publicado no Diario de
Santiago do 1 de agosto do 1876:
"Los
señores D. José Varela López de Limia, D. Francisco Javier Alsina Román, D.
Tomás González y D. Olimpio Pérez Rodríguez han formado Sociedad regular
colectiva bajo la razón social Varela, Alsina, González, Pérez, con domicilio
en Santiago para explotar la fabricación de papel continuo, habiendo adquirido
para ello la fábrica La Minerva que perteneció al Sr. Rivero de Aguilar, sita
en San Andrés de César á las inmediaciones de Caldas de Reyes y que á lo
sucesivo se denominará La Concepción [...]. El Diario de Santiago empezará muy
en breve á hacer uso del papel de dicha fábrica".
En 1877 a fábrica aparece citada como propiedade dos
señores Alsina, González e Pérez, e con eles continuou a elaboración dos seus
variados produtos (papel de escribir, satinado, recortado e de barba; de cores;
de imprimir; de fumar; de envolver; de estraza) ata desaparecer cara a 1899,
non aparecendo xa citada no anuario Bailly-Bailliere de 1900.
Segundo noticia de cara a 1904, a vella fábrica de papel
fora adquirida para a súa transformación en fábrica de fiados e tecidos de
algodón, sen que dispoñamos de maior información polo momento.
Cara a 1950 funcionaba nela un serradoiro de madeira con
tres serras accionadas por unha pequena turbina hidráulica, ademais duns muíños
fariñeiros con catro pedras.
As instalacións foron rehabilitadas para a súa
utilización como aloxamento hoteleiro, iniciando o seu funcionamento no ano
2009.
Tempo de uso:
Sistema de produción:
Actividades laborais:
Emprego:
Materias Primas:
Produtos Elaborados:
Distribución e comercialización:
Referencias Bibliográficas:
Asunción
Pastor, J., 2002, El papel. Técnicas y métodos tradicionales de elaboración,
Parramón, Barcelona. DL NA-2161-2001. ISBN 978-84-34224-10-0.
Basanta
Campos, J.L., 1966, “Algunas adiciones a la historia de la fabricación de papel
en Galicia del siglo XVIII a nuestros días”, Investigación y Técnica del Papel, núm. 7, enero 1966, p. 23-41.
D.L. M-13650-1964.
Bailly-Bailliere e hijos, 1895 a 1937. Almanaque Bailly-Bailliere. Pequeña
enciclopedia popular de la vida práctica. Madrid: Bailly-Bailliere e
hijos.
Carmona
Badía, J., y Nadal Oller, J., 2005, El
empeño industrial de Galicia. 250 años de historia, 1750-2000, Fundación
Pedro Barrié de la Maza, Coruña. ISBN 84-95892-38-3.
Gayoso
Carreira, G., 1965, “La fabricación del papel en Galicia del siglo XVIII a
nuestros días”, Investigación y Técnica
del Papel, núm. 4, abril 1965, p. 193-223. D.L. M-13650-1964.
Gayoso
Carreira, G., 1994, Historia del papel en
España, 3 vol., 2ª ed. 2006, Servicio de Publicaciones de la Diputación
Provincial, Lugo. DL S-1455-2006. ISBN 84-8192-003-7.
Gutiérrez i Poch, M., 1999. «L’Espagne est encore dans
l’enfance. Máquinas
francesas y fracaso español. La mecanización de la industria papelera española
(1836-1880)», Doctor Jordi Nadal. La industrialització i el desenvolupament
econòmic d’Espanya. 2 vols.
Carreras, Pascual, Reher y Sudriá (eds.). Barcelona: Universitat de Barcelona, p. 1.258 y sigs. DL B-19.849-99. ISBN 84-475-2146-X.
Iglesias Castelao, C.J. (cicastelao@yahoo.es), 16 de
julio del 2011. Nuevo registro en
Buxa.
Correo electrónico para M. Lara Coira
(mlara@asociacionbuxa.com).
Madoz
Ibáñez, P., 1846-1850, Diccionario
geográfico-estadístico-histórico de España y sus posesiones de Ultramar, 16
vol., Establecimiento tipográfico de P. Madoz y L. Sagasti, Madrid, (vol 6-9:
Est. Tipografico-Literario Universal; vols 10-11: Imprenta al Diccionario
Geográfico, á cargo de José Rojas; vols 12-16: Imprenta del Diccionario
geográfico estadístico-histórico de Pascual Madoz). Existe una versión digitalizada
y de libre acceso a través de la Biblioteca Virtual de Andalucía:
http://www.juntadeandalucia.es/cultura/bibliotecavirtualandalucia [Acceso 17 octubre 2009].
Viñas y
Campi, 1866, El indicador de España y de
sus posesiones ultramarinas, Barcelona.
Índice de mapas e planos:
Localización Mapa Topográfico Nacional 1:25.000: Hoja 152-II Caldas de Reis //
Huso 29 / X 531,10 / Y 4.717,80