Moito ánimo, traballo tedes dabondo.

Bo día e felicitacións pola vosa iniciativa.

Tamén no concello da Pobra do Brollón (Lugo), existe unha ampla tradición mineira relacionada cos xacementos de ouro e ferro que este territorio puxo en valor dende tempo inmemorial.

Destacar, con respecto á explotación do ouro, as minas a ceo aberto da Lama (parroquia de Barxa), a carón do río Lor, e dos Medos, preto da capitalidade municipal, xacementos arquelóxicos que datan da época de dominio romano.

Con respecto á explotación do ferro, destacar as minas da Veneira de Roques que foi un dos principais xacementos que, xunto coas de Formigueiros (Courel), subministraron mineral a boa parte das ferrerías galegas e a outras situadas no Bierzo, Asturias, etc. A maiores das minas da Veneira de Roques, existe outro número importante de explotacións de menor importancia como son as de Tudrigo (parroquia de Salcedo, As Balsas (parroquia de Lamaigrexa), O Buraco das Choias (Parroquia de Outara). Ligado a estas explotacións mineiras, aparece tamén unha ampla representación de ferrerías, mazos e fraguas, destacando as ferrerías de Loureiro (parroquia de Lamaigrexa, Pena das Pombas (Parroquia de Barxa) e Biduedo (parroquia de Outara).

Unha aperta e até apróxima.