One hundred dossiers recording the Galician Industrial Heritage

Vimos de dar remate ás primeiras cen fichas verbo outros tantos elementos do patrimonio industrial de Galicia.

Grazas ás axudas de custo solicitadas perante a Secretaría Xeral de Modernización e Innovación Tecnolóxica da Xunta de Galicia están xa na nosa web ó libre dispor de calquera persoa interesada no noso pasado industrial.

Premendo na pestana rotulada “Patrimonio” entraredes no arquivo que contén as devanditas primeiras cen fichas, indexadas por concellos e por provincias, e ás que se pode ademais acceder escribindo no buscador palabras clave: muíño, mina, lapis, conservas, etc. A identificación en Google Maps fai ben doado chegarmos o sitio.

Foron moitos meses de traballar arreo e aínda que o resultado precisa pulimento, confiamos que sexa de utilidade.