181 entradas no inventario

Xa temos incorporadas cento oitenta e unha entradas no inventario do noso patrimonio industrial, referencias que acadan dende as máis antigas saíñas ata as máis novas centrais eléctricas, pasando polas minas, os curtidos, tecidos, pontes, estaleiros, caleiras, cerámicas ou muíños (quer de río, de mar ou de vento). En fin, calquera instalación relacionada co variado campo da actividade industrial. É moi importante o traballo que están a desenvolver outras asociacións que coas súas achegas axúdannos tamén a ir ampliando e completando este o voso inventario.