Experiencia industrial n’As Pontes

Por cortesía do Concello de As Pontes, e da man de DELOGA, empresa creadora do proxecto “As Pontes Experiencia Industrial”, fomos convidados a participar na última visita guiada desta xeira. Nesta volta a empresa visitada foi Galparquet, do grupo empresarial que fundara o gran empresario pontés Roberto Tojeiro Díaz.

As visitas guiadas á “industria viva” complementan e completan o coñecemento do noso patrimonio industrial, e consolidan, xa que logo, os alicerces da nosa memoria colectiva máis próxima, dándolle unha meirande intelixibilidade á nosa historia e ao impacto da industrialización na nosa cultura.