Nova Ardentía

Nova Ardentía

Das mans e das verbas sabias de Francisco Fernández Rei e Emilio Xosé Ínsua López, onte presentábase en Cambados o número 12 da Nova Ardentía, a Revista Galega de Cultura Marítima e Fluvial editada por Culturmar. O vindeiro xoves, día 27 dos correntes, a presentación vai ser no Museu Marítimo de Esposende, coa grata compaña de Fernando Ferreira e Ivone Baptista Magalhães. Lembrade que no portal web de Culturmar (www.culturmar.org) tedes acceso de balde a tódolos números anteriores da revista. Temos de agradecerlle á profesora Maribel Iglesias Baldonedo, presidenta da Asociación de amig@s de Fefiñáns, as facilidades para face-la presentación “baixo o magnolio”. E grazas tamén a Santiago Ínsua pola axuda prestada no posto da venda das publicacións de Culturmar, a carón da máis nova colaboradora da revista O Umia.