053 Muíño de Xan de Vara
- Provincia: A Coruña
- Concello: Muros
- Parroquia: Louro (Santiago)
- Lugar: Taxes
- Paraxe: Monte Meán
- Coord. Xeográficas - Latitude: 42.770628321859235
- Coord.Xeográficas - Lonxitude: -9.08133616569512
- Clasificación: Muíño de vento
- Tipoloxía: Muíño fixo de torre cn cuberta xiratoria.
- Comarca: Muros
Historia:
Xan de Vara era un ferreiro e carpinteiro, natural de Louro, que despois de casar trasladouse a Taxe. Alí construíu o muíño arredor do ano 1900 cando contaba 21 anos de idade. O seu neto desfixo o muíño cando xa levaba moitos anos sen traballar. Na actualidade só quedan a base dos muros da torre.
Descrición Xeral do Entorno:
Situado no cumio do monte Meán, a aldea máis próxima é a de Taxes.
Construcción:
Principios século XX (1900) por Xan de Vara
Abandono:
Primeira metade do século XX (1940-1945).
Descrición:
A torre era cilíndrica con fábrica de cachotes e perpiaños, debido ao emprazamento rochoso aséntase nalgúns puntos algo de plataforma. Tiña un baixo a modo de almacén onde se gardaban os sacos. A unha distancia de catro escalón atopábase o piso superior onde estaban todos os elementos mecánicos. No cumio estaban as canterías coas canaletas para que xirase a cuberta que tiña catro velas de lenzo.
Referencias Bibliográficas:
Bas López, B. Muíños de marés e de vento en Galicia. A Coruña: Fundación Pedro Barrié de la Maza, 1991. 439 p.: il. ISBN 84-87819-13-3
Data de Actualización:
2009 / 16 feb 2018