117 Minas de Vilaoudriz (A Pontenova)
- Provincia: Lugo
- Concello: A Pontenova
- Parroquia: Santiago de Vilaoudriz
- Lugar: Alto da mina
- Paraxe: Os fornos
- Coord. Xeográficas - Latitude: 43.34755806769866
- Coord.Xeográficas - Lonxitude: -7.191002368927002
- Coordeadas UTM: Huso 29 // X 646,70 / Y 4.800,70
- Clasificación: Minaría de ferro
- CNAE: 07.10 Extracción de minerales de hierro (Hematites Fe2O3, Goethita Fe2O3H2O, Siderita CO3Fe y Pirita S2Fe).
- Tipoloxía: Ceo aberto e galerías
- Comarca: A mariña oriental
- Marco Xeográfico: Serra de Lourenzá e val do Eo
- Ámbito: Rural
- Acceso: Unha vez na Pontenova, na estrada nacional N-640 entre Meira e Ribadeo, crúzase a ponte (a ponte "nova") e fronte dela, alí mesmo, atópanse os fornos de calcinación do mineral. Continuando pola estrada LU-741, que discorre augas arriba pola veira do río, chegaremos en apenas un quilómetro a Vilaoudriz
Tipo de propiedade:
Visitable:
Historia:
Famosas en Galicia foran as minas de Vilaoudriz, na marxe dereita do río Eo, parroquia de Santiago de Vilaoudriz, en A Pontenova (Lugo). No 1904 iniciouse a súa explotación a gran escala, embarcándose o mineral por ferrocarril ata un cargadoiro en Ribadeo. Primeiro explotouse a parte superficial de hematites e goethita (a variedade rubia), e logo extraérase por medio de galerías ó mineral profundo, de siderita (a variedade carbonatada). A siderita contén ata un 62% de FeO, con Mn, Ca ou Zn en substitución isomorfa. Hoxe en día é unha mena de ferro en desuso, debido ó alto custo enerxético da súa calcinación a 1.200 ºC para a súa transformación en óxido. Normalmente explótase a cuberta superficial que oxidou de siderita a goethita ou hematites pola acción dos axentes atmosféricos.
A provincia de Lugo ten unha longa tradición no traballo do ferro, pero non
sendo as veas que subministraran ás ferrerías tradicionais, a meirande parte
dos seus recursos férricos tiñan tal cantidade de fósforo que os facían
inútiles para a industria siderúrxica anterior a 1880, dominada pola tecnoloxía
Bessemer que miraba por minerais de ferro pobres en fósforo. Pero cando comeza
a empregarse o convertedor desenvolvido por Thomas e Gilchrist, que permite
eliminar o fósforo mesturando o ferro fundido con caliza, e produce ademais
unha escoira que vale como fertilizante, os grandes depósitos de mineral de
ferro fosfórico do norte da provincia luguesa cobraron repentino interese
comercial.
Tras uns estudos xeolóxicos previos da bacía do Eo ordenados polo enxeñeiro
bilbaíno Julio de Lazúrtegui González, as minas de Vilaoudriz, cunha avaliación
de dous millóns e medio de toneladas de mineral de ferro, foran denunciadas en
1894, outorgándose a concesión mineira o 28 de xullo de 1895. O mineral en
Vilaoudriz presentábase en dúas variedades, rubia e carbonatada. A primeira
podíase empregar sen manipulación, mentres que a segunda precisaba dunha
calcinación previa, para o que a empresa tivera que construír ata cinco fornos.O
laboreo iniciárase baixo a dirección de Martín Gaytán de Ayala, que tomara ó
seu cargo as explotacións mineiras e construíra os dous primeiros fornos de
calcinación e os depósitos de mineral.
En 1897 a sociedade bilbaína “Sucesores de J.B. Rochet y Compañía”
interesouse pola concesión e por fin o 17 de marzo de 1900 quedaba constituída a
“Sociedad Minera de Villaodrid”.
Ó seren practicamente inexistentes as infraestruturas de transporte, a
empresa houbo de construír trinta e catro quilómetros de ferrocarril de vía
estreita desde Vilaoudriz ata Ribadeo para resolver o carrexo do mineral ata o
porto de embarque. Os transportes ían mormente despachados para o porto de
Rotterdam, con destino á conca siderúrxica do Ruhr, aínda que facíanse tamén
frecuentes embarques cara os portos británicos de Ardrosan, Swansea ou Glasgow.
No conxunto das minas de Vilaoudriz os xacementos designados como “Vivero”,
“Luisa” e “Consuelo” poderían seren considerados os mellores, con potencias de entre
catro e dez metros e nos que a explotación chegaba ós douscentos cincuenta
metros de profundidade encol dunha corrida ferruxinosa de dous quilómetros.
Dos minerais extraídos, o hidróxido (a variedade rubia) embarcábase segundo
saía dos labores, namentres que o carbonato precisaba de calcinación previa (para
eliminar a auga e o ácido carbónico e pasar a óxido ferroso ou férrico), como
xa se ten dito. O cargadoiro de Ribadeo tiña unha capacidade de 100 toneladas á
hora e nas minas chegaran a alcanzarse producións medias anuais de cento
oitenta mil toneladas. Consonte Hernández Sampelayo, a “Sociedad Minera de
Villaodrid” habería arrigado un millón e novecentas mil toneladas entre 1904 e
1928.
Os anos da Primeira Guerra Mundial (1914-18) foron moi complicados ó
pecharse o acceso o mercado alemán e encarecerse moitísimo os fretes cara o
mercado inglés, así que a actividade redúcese ó mínimo e os embarques no porto
de Ribadeo véñense abaixo, con fortes conflitos obreiros nas minas e no porto.
Finalizada a guerra os proxectos de Julio de Lazúrtegui de incardinar os
xacementos de Vilaoudriz nun vasto complexo mineiro-siderúrxico que incluiría
as minas leonesas, cunha ampla rede de transporte ferroviario
Ponferrada-Lugo-Ribadeo, non van adiante, e, por outra banda, a abundancia e
baratura de chatarra naqueles anos fai evolucionar a produción de aceiro dos
sistemas ácidos, que precisan minerais de maior pureza, ós sistemas básicos,
que permiten mesmo un 70% de ferros vellos combinados coas menas –fosforosas ou
non– na carga dos fornos Siemens-Martin, o que vai afectar gravemente á demanda
de minerais fosforosos. Xa que logo, as minas de Vilaoudriz, o mesmo que o
resto das minas galegas de ferro, xa non se recuperan da súa decadencia e
encaran os seus derradeiros días.
Construcción:
Abandono:
Sistema de produción:
Materias Primas:
Produtos Elaborados:
Distribución e comercialización:
Referencias Bibliográficas:
Carmona
Badía, J., y Nadal Oller, J., 2005. El
empeño industrial de Galicia. 250 años de historia, 1750-2000. A Coruña:
Fundación Pedro Barrié de la Maza. DL C-2342-2005. ISBN 84-95892-38-3.
Cueto
y Noval, R. del, 1928, La minería de la
región gallega, reproducción facsimilar por
Hernández
Sampelayo, P., 1922, Hierros de Galicia,
tomo I, Gráficas Reunidas, Madrid.
Hernández
Sampelayo, P., 1931, Hierros de Galicia,
tomo II, Gráficas Reunidas, Madrid.
Hernández
Sampelayo, P., 1934, Geología gallega
(Discurso de ingreso en
Hernández
Sampelayo, P., 1935, Hierros de Galicia,
tomo III, Gráficas Reunidas, Madrid.
La minería de Galicia, 1991, Dirección Xeral de Industria
de
Mirre,
J.C., 1990, Guía dos minerais de Galicia,
Galaxia, Vigo. DL VG-328-1990. ISBN
84-7154-729-5.