Patrimonio ferroviario
O Segundo encontro da Sección do Ferrocarril de TICCIH (www.ticcih.org) vai ter lugar do 18 ó 20 de xuño no Museo do Ferrocarril de Vilanova i la Geltrú (Barcelona), xunto coa Asociación Internacional da Historia do Ferrocarril (www.aihc-irha-aihf.com).
Vaise dedicar á avaliación da xestión e a conservación do patrimonio ferroviario, tanto fixo como móbil.
Coincidirá coa apertura da exposición “Corenta anos dos cambiadores automáticos do ancho da vía na rede ferroviaria española” e finalizará cunha visita á Estación de Francia, en Barcelona, que ten a última (1929) das grandes cubertas de vidro e ferro para trens construída en Europa.
Os membros de calquera das asociacións, e calquera persoa interesada está invitada e pode acadar máis información na Asociación del Museo de la Ciencia y de la Técnica y de la Arqueología Industrial de Cataluña, www.amctaic.org
No Comments Yet!
You can be first to comment this post!